بە پێی هەواڵ دەری ئەهلی بەیت (ع) ـ ابنا ـ ئەحمەد بن شەمسی وتەبێژی ئەم ڕێکخراوەیە ڕایگەیاند: محەممەد بن سەلمان جێنشینی سەعوودیا وەک وەزیری بەرگری و یەکێک لە دەسەڵاتدارانی دیاری ئەم وڵاتە بەرپرسە لەو تاوانانەی کە لە یەمەن ڕوو دەدات.
ناوبراو وتی: بەم هۆیەوە ئێمە داوا لە ئەنجومەنی ئاسایشی نێودەوڵەتی دەکەین گەمارۆ و سزا بە سەر ناوبراودا بسەپێنێت، لە بەر ئەوەی کە هاوپەیمانی سەعوودیا بە شێوازێکی زۆر کارەساتبار، یاسا نێودەوڵەتییەکانی پێشێل کردووە.
بن شەمسی لە درێژەدا وتی: چاودێری مافی مرۆڤ خاڵی زۆری سەبارەت بە پێشێلکردنی یاسای نێودەوڵەتی لە لایەن هێزەکانی سەر بە هاوپەیمانی سەعوودیا لە یەمەن تۆمار کردووە.
وتیشی: تا ئێستا ٨٠ هێرشی ئاسمانی نایاسایی لە لایەن سەعوودیاوە تۆمار کراوە کە بەم هۆیەوە هەزار کەس کوژراون و سەدان کەسی دیکەش لە زیندانەکان لە لایەن سەعوودیا و ئیماراتەوە ئەشکەنجە دراون.
ناوبراو هەروەها گەمارۆی یەمەنی لە لایەن هاوپەیمانی سەعوودیاوە بە سەرەکیترین هۆکاری قەیرانی مرۆڤی لە یەمەن ناو برد
